Астанада балабақша құны бірден 6 мың теңгеге қымбаттамақ
Қымбатшылық балаларға да жетті. Астанада балбақша құны бірден 6 мың теңгеге көтерілмек.
Автор: Жәудір Оразхан
15.10.2015
Мұны естіген ата-аналардың көңілі күпті. Бұл әсіресе көпбалалы отбасылар үшін қиынға соққалы тұр. Сондықтан елорда тұрғындары «енді ұл-қызымызды үйде ұстап отыруға тура келеді» деп ашынады. Егер бұған дейін мектепке дейінгі мекемелерде төменгі топтар 8400 төлеп келсе, енді 14 мың теңге төлеуі тиіс. Жоғары топтың да ақасы 10 мың теңгеден 16 мыңға бірден қымбаттамақ. Әкімдіктегілер балабақшадағы қызмет құнының көтерілетінін растады. Әзірге жаңа баға жоба жүзінде талқыланып жатыр екен. Шенеуніктердің айтуынша, жаңа жылға дейін нақты шешім қабылдануы мүмкін.
Манат Ақмолдаева, Астана қаласы Білім басқармасының бас маманы:
-Көтеру көптеген көрсеткіштерге байланысты қарастырылған. Оның ішінде азық-түлік қоржынының қымбаттауына байланысты. Астана қаласында 2010 жылдан бері балабақша құны қымбаттаған жоқ.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
