Қазақстанның Еуропалық Одақпен тарихи құжатқа қол қоятын күні алыс емес
Қазақстанның Еуропалық Одақпен тарихи құжатқа қол қоятын күні жақындады. Көпвекторлық саясатынан танбаған Ақорда Батыспен қарым-қатынасын күшейткелі жатыр. Тіпті таяуда Астанаға Еуропалық комиссияның төрағасы Жан-Клод Юнкердің өзі келмек.
Автор: Ербол Сейілхан
28.10.2015
Сөйтіп, ресми Астана Еуразиялық экономикалық Одаққа мүше болғанына қарамастан Еуропалық Одақпен байланысын жандандыра бермек. Ал Еуропамен су жаңа келісім алыс-берісті қазіргіден де арттыруы тиіс. Бүгін Ақордада мемлекет басшысы осы Еуропалық Одақтың жаңа елшісі Траян Лауренцу Христеадан сенім грамотасын алды. Онымен бірге Елордада Мажарстан, Польша, Вьетнам, Түркияның елшілері ауысып, қызеттеріне кірісті. Дипломаттарға мемлекеттер арасындағы достыққа дәнекер болуға шақырған Елбасы, оларға да Еуропалық одақпен жасалатын тарихи келісім туралы да айтып берді.
Нұрсұлтан Назарбаев, Қазақстан Республикасының президенті:
-Қазақстанның дүниежүзілік сауда ұйымына кіру шарттары туралы келіссөзге қол қойылды. Осы тарихи құжатқа қол қою үшін Еуропалық Одақ басшылығының Астанаа ресми сапармен келуін күтеміз. Бұл қадам Қазақстан мен Еуропалық Одақ қарым қатынасының жаңа кезеңіне жол ашады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
