Жол полициясына ереже бұзған көліктерді соғып тоқтатуға заңмен рұқсат берілді

Жол сақшылары енді ереже бұзған көліктерді соғып тоқтата алады. Құқық қорғау орындарына қатысты заңға осындай өзгеріс енгізілді. Полицейлердің арнайы құралдар мен күш қолдануы туралы заңды қайта қарау барысында, жаңа ережелер қосылған. Оған сәйкес, тәртіп сақшысы талапты орындамаған көліктерді соғып тоқтатуға құқылы. Онсыз да құзіреті аз емес полицейлер 10-шы қарашадан бастап көңіліне жақпағандарды күшпен тоқтатуға рұқсат алып отыр.