Алматы метросындағы тексерудің көбеюі жолаушыларға жақпай жатыр
Әлемдегі соңғы лаңкестік әрекеттерге байланысты Алматы метросында да қауіпсіздік шаралары күшейтілді. Қазір 9 станцияның бәріне рентген аппараттары қойылып, жолаушылардың жүгі тексерілуде.
Автор: Олжас Байжан
18.11.2015
Небәрі бірнеше секунд ішінде мамандар сөмкені немесе үлкен жүктерді сүзгіден өткізіп, оның қаншалықты қауіпсіз екенін анықтай алады. Рентгеннен өзге «Тайфун» деп аталатын арнайы құрылғы да пайдаланылуда. Ол адамның жарылғыш заттың бөлшектеріне жақындаған-жақындамағанын иіс арқылы таниды екен. Қазір Алматы метросының 9 станциясында осындай техника қойылған. Ал оны сатып алу үшін 150 миллион теңге жұмсалыпты. Сонымен қатар, 120 қызметкер арнайы оқудан өткен.
Айдын Оразханов, «Метрополитен» МКК директоры:
– Тоқтатып, көрсет, багажды аш дегенде адамдар жақтырмайды. Рентген аппаратпен тексерген жеңілірек. Одан да асығып жатса бізде детектор бар, оны жақындата салса сигнал бермесе болды. Адамдарды өткізе берсе болады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
