Мәселен, түнде Ақтөбе облысында ауданаралық жолдар тегіс жабылған. Таңға жақын кейбірі ашылғанымен жүргізушілерге алыс сапарға шықпау туралы ескертілді. Ақтөбенің өзінде, секундына 25 метр екпінмен соққан жел боранға ұласып, коммуналдық мекемелер қарды техникамен де, күрекпен де  аршуға мәжбүр болды. Тазартушылар үлгермей жатқандықтан көшелер көлікке толып, бағдаршамдар істен шыққан.Соңғы айларда ызғар білінбеген Астанада қазір боран. Ал нағыз қаһарлы қыс сенбі мен жексенбіде күшіне мінеді. Еліміздің барлық аймағында боран соғып, көктайғақ болып, тіпті тұман түспек. Синоптиктердің болжамынша, сынап бағанасы -35 градусқа дейін жетеді. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!