Ыдырысов әлемдік геосаяси ойындардың ережесін түсіндірді
Қазақстан геосаяси ойындардың қыспағында қалмайды! Бүгін Сыртқы Істер министрі еліміздің жаһандық тартыстардағы орнын көрсетті. Еліміздің бас дипломаты ресми Астананың әлемдік келіспеушіліктерде ешкімнің «қолжаулығы» болған емес деп отыр.
Автор: Ербол Сейілхан
23.12.2015
Яғни, Қазақстан үнсіз бас шұлғи беру ұстанымынан аулақ. Өйткені тәжірбиелі саяси ойыншы екенін әлдеқашан дәлелдей білген. Оның үстіне АҚШ, Еуропалық Одақ, Қытай, Жапония, Үндістан, Ресей секілді алпауыттардың төл экономикадағы үстемдігі – Астананы үлкен ойындардың алаңына айналдырып жіберуі мүмкін деген болжам негізссіз екен. Өйткені, мемлекет басшысы шекарадағы көршілерімен де, мұхиттың арғы жағындағы алпауыттармен де сауатты келіссөз жүргізіп келеді. Ресми Астана осы жүрісінен алдағы уақытта да жаңылмайды. Одан қалды Украина, Сирия, Түркия, Еуропалық Одақ пен Мәскеу арасындағы тартыстың бейбіт жолмен шешілгенін қалайды.
Ерлан Ыдырысов, ҚР Сыртқы Істер министрі:
-Әрине, алпауыт мемлекеттердің өз мүддесі бар. Әрқайсысының өз орны да бар. Тарихи жақындықты айтпағанда, экономикалық тұрғыда біте қайнасып жатырмыз. Көпвекторлық саясат ұстанған Қазақстан дауласқан тараптардың ортақ тоқтамға, бітімге келгенін құптайды. Тіпті ол үшін үлесімізді қосуға әркез дайынбыз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
