Павлодарда қолдан қару жасаған зейнеткер ұсталды
Павлодар тұрғыны аңшылық қаруларын заңсыз сақтаған. 66 жастағы азамат оларды қайта өзгертіп жасаумен айналысады екен.
Автор: Әйгерім Шакаманова
17.02.2016
Арнайы тексеріс кезінде Павлодар ауылының тұрғынынан газды, травматикалық және пневматикалық 4 тапанша, әр түрлі калибрлі 30 патрон, 12-ші калибрлі шолақ мылтық пен әр түрлі калибрдегі аңшылық атыс қаруына 18 ұңғы табылған. Сондай-ақ оқ-дәрілерді дайындауға арналған қоспалар мен арнайы үстел де тәркіленді. Қазір осы қару-жарақтарды тапсырғандар да анықталып жатыр. Ал оларды тек жөндеумен айналысып келгенін жеткізген зейнеткер бес жылға дейін бас бостандығынан айырылуы мүмкін.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
