Өскеменнің өрт сөндірушілері шаңсорғыш сүйреп жүр
Осындай құралдың көмегімен өскемендік құтқарушылар тұрғындардың мұржаларын тазартуға шықты. Өйткені жылу маусымы әлі бірталай уақытқа созылатын өңірде ыс тигендер саны азаймай тұр.
Автор: Ә.Асқарқызы
19.02.2016
Айналасы 4 айда 130-ға жуық адам пештен шыққан газдан уланып, ауруханаға түскен. Сондықтан өрт сөндірушілер үсті-бастары күйе боп, жұрттың мұржаларын өздері тазартуға шықты. Алдымен шатырға шығуға шамасы келмейтіндерге, яғни зайнеткерлер мен мүгедектерге көмектесуді ұйғарыпты. Олар бұрынғыдай қолға түскен затпен емес, шаңсорғышпен тазартады. Сөйтіп мұржадағы күйені сорып, сыртқа шығарады. Бір мұржаны тазалауға ұзын ырғасы 20 минуттай уақыт кетеді екен. Қауіпсіздік талаптарына сәйкес, мұржаларды жылу маусымы кезінде 3 рет тазалау керек екен.
Ержан Жанұзақов, Ұлан аудандық ТЖБ аға инженері:
-Ыс тазалағыш аппаратпен 5-10 минут уақыт алады кемінде. Егер үйдің шініен тазалайтын болсақ, арнайы тесіктері бар. Содан күрек арқылы алынады. Содан кейін үйдің іші шаңға толады. Жоқ дегенде 40 минут алады. Мына сорғыш аппарат жылдам тазаланады, үйдің іші шаң болмайды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
