Қаланы ауыз сумен қамтамасыз ететін бекет Бұқпа тауының үстінде орналасқан. Түн ортасында «бомба қойылды» деген хабар жетісімен Көкшетаудың құтқарушылары мен тәртіп сақышылары тайлы-тұяғы қалмай тау басына аттанған. Екі иісшіл итпен 2 жарым гектар аумақты алып жатқан нысанды тінтіп шығу оңайға түспеді. 2 сағат бойы табандарынан таусылған арнайы топ ешқандай бомба таппады. Кешікпей жұртты дүрліктірген 20 жасар Аяулым есімді бойжеткен екені анықталды. Көкшетаудағы колледждердің бірінің 4-ші курс студенті қазір қамауға алынып, тергеу басталды. Ол бұны су тазарту станциясында істейтін таныс жігітіне әзілдеп істегенін айтып ақталған. Енді осы қалжыңы үшін қомақты айыппұл төлейді немесе 6 жылға бас бостандығынан айырылуы мүмкін. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!