Курстасын компьютер үшін өлтірген студенттен өзгесі бүгін қобалжулы. Тілшілерге түрін көрсетуге рұқсат етілмеген Тілек Текішев пен адвокаты ғана тым еркін отыр. Олардың бей-жай түрі тек судьяның үкімінен кейін бұзылды. 

Людмила Бектемірова, судья:

-Текишева Тилека Ермекулы, признать виновным в совершении преступлении предусмотренной статьей 106 часть 3 УК РК, и назначить ему по данной статье наказание в виде 8 лет лишения свободы.

Курстасын өлтірген студент 8 жылға абақтыға жабылып қана қоймай, оған қоса марқұмның отбасына 6 миллион теңге төлеуі тиіс. «Қасақана кісі өлтіру» деген айыппен сотталып жатса да, Текішевті алдағы тағдырынан гөрі, бүгінгі түрінің көрсетілмеуі көбірек алаңдататын сыңайлы. 

Тілек Текішев, сотталушы:

-В судебном заседаний я отказывался от того, чтобы меня снимали.

Ал жалғыз ұлын оқуға жіберіп, диплом орнына денесін алып қайтқан әке осы үкімді есту үшін Қостанайдан келген. Соттың соңына дейін өзін ұстағанымен, Самұраттың есімін естігенде егіле жылады.    

-Ризасыз ба, аға соттың шешіміне? Бір ауыз сөзіңізді айтыңызшы./ Әкесі жылайды...

Қазақ ұлттық техникалық университетін биыл бітіруі тиіс Тілек Текішев осылайша сот залынан бірден түрмеге кетті. Бірақ табалдырықтан аттауы мұң екен, соңынан ілескен туыстары «ұлымызды ұрды» деп қарауылмен ерегісіп қалды.

-Ұрып жатыр ар жақта!

-Жоқ, не үшін ұрады?

-Даусы шығып жатыр ғой! Даусын естідік!

-Алып кетті оны машинаға отырғызып! Ұратын болса, қолы бар арыз жазады ұрған адамға! Адамды ұра берсек біз не сонда?

Десе де, Текішевтің бұл үкіммен келіскісі жоқ. Ол әлі де төбелеске Самұрат кінәлі деген пікірде. Сондықтан жақында тағы сотқа жүгінбек.   

Бекболат Жексейітов, Т.Текішевтің адвокаты:

-Тергеу кезінде де, сот отырысында істі қарап жатқанда да бірқатар заң бұзушылықтар болды. Өлген жігіттің іс-әрекеті сол күйі ашылған жоқ! Ол өлмес бұрын айыпталушыны соққыға жықты. Сондықтан сот шешіміне разы емеспіз. Әрі қарай шағымданамыз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!