Ауғанстанда тағы жойқын жарылыс болды
Ауғанстанда елдің Ұлттық қауіпсіздік комитетінің ғимаратында жарылыс болды. Салдарынан 200-ден астам адам жараланған. Бірнешеуінің қаза тапқаны туралы айтылуда, бірақ нақты саны белгісіз.
Автор: Ербол Тұрымбет
19.04.2016
Өзін өлімге қиған жанкешті көлігімен ғимарат ауласына басып кіріп, сол жерде жарылғыш затты іске қосқан. Одан соң қауіпсіздік қызметі мен бүлікшілер арасында тағы кескілескен атыс болды. Оқиға орнынан небәрі жүз метр жерде президент резиденциясы мен елшіліктер орналасқан. Оларға еш зақым келген жоқ. Ал бұл жарылысты тәліптер мойнына алды. Айта кетейік, олар осыдан бір апта бұрын ғана ел билігімен күрес жүргізудің жаңа кезеңін бастайтыны туралы мәлімдеген болатын.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
