Былтыр жазда түсірілген мына кадрларда лагерьде қалған сау балалар  үйлеріне жиналып жатыр. Ал олардың 103 құрдасы бұл кезде ауруханада астан уланып жатқан еді. Бесеуі тіпті жансақтау бөліміне түсті. Құдай, сақтап, балалардың бәрі кейін сауығып кетті. Ал лагерь қызметкерлерін тексеру барысында бас аспаз Татьяна  Лайдыкерден дизентерия қоздырғышы анықталған. Ол денсаулығы туралы жалған санитарлық құжат жасатыпты.   Бұл істі жарты жылдан астам уақыт қараған сот аспазшыға екі жылға бостандығын шектеу туралы үкім кесті. Оған қоса, тиісті білімі де жоқ әйел енді 3 жыл бойы қоғамдық тамақтану саласынан аластатылатын болды.