Қарағандыда досын өлтіруге тапсырыс берген 19 жастағы жігіт ұсталды

Ол өзін мезі қылған құрдасының өмірін 250 мың теңгеге бағалаған. Тек тапсырыс жөнінде хабар алдымен полицейлерге түсіпті. Орындаушы ретінде де солардың бірі барған. Талап бойынша 18 жастағы жігіттің өлгенін дәлелдеу керек болған. Полицейлер оның қол аяғын матап, үсті мен бет аузына қызыл бояу жағып таспаға түсіріп алыпты. Тапсырыс беруші қала орталығындағы сауда үйлерінің бірінде есеп айырысуға келгенде қолға түсті. Айтуынша, құрдасынан үнемі жәбір көргендіктен, осылайша көзін құртпақ болыпты. Екеуі де еш жерде оқымайды, жұмыс та істемейді.