Депутаттарды әуежайдағы шайдың құны шошытты
Қазақстандағы әуежайлар ауыз жаласып, бағаны қасқана қымбаттатқан деген күдікке ілінді. Бұл жолы депутаттарды 500 теңге тұратын бір кесе шайдың құны шошытты. Қазір шенеуніктер отандық әуе компанияларын қайта тексеруге кірісті.
Автор: Ербол Сейілхан
12.05.2016
Бірақ, монополияға қарсы комитет халықаралық рейстерге қызмет көрсететін әуежайлардың баға саясатына араласудан бас тартқалы отыр. Яғни, олар тамақтан бастап жүк сақтауға дейін тарифті өз бетінше қоя береді. Алайда, мұның соңы шетелге ұшатын ұшақ билетіне бағаның шарықтауына соқтыруы мүмкін. Десе де шенеуніктер қалааралық ішкі рейстер мен әуежайдағы ас-судың құнын қатаң бақылап, еркіндікке жібермейтінін ескертті. Ал шетел рейстеріне қызмет көрсетуден түскен ақшаға тозығы жеткен әуежайлар жөнделіп, шығындарын жабуы тиіс.
Серік Жұманғарин, ҚР Ұлттық экономика министрлігі Табиғи монополияларды реттеу және бәсекелестікті қорғау комитетінің төрағасы:
-Шешімді Үкімет қабылдайды қазір.Үкіметтің отырсында біздер енді ұсыныстарымызды береміз, Үкімет қарайды қабылдайды,ол болса 1 шілдеден бастап халықаралық рейстерде бағаны реттей болмайды
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
