Оқуда озат атанған оқушылар Халық қаһарманының қолынан сыйлық алды

Бүгін Тұңғыш президент қорында Қарасай ауданындағы мектепаралық білім бәйгесінде жеңіске жеткендер марапатталды. Шараға ғарышкер Айдын Айымбетов, шахматшы Жансая Әбдімәлік сынды танымал адамдар шақырылған. Олар өткен оқу жылында пәндік олимпиадаларда жүлдегер атанған ұл-қыздар мен олардың ұстаздарына бағалы сыйлықтар табыс етті. Сондай-ақ «Жас Ұлан» әскери-спорттық сайысында топ жарған жас сарбаздар да сыйлықтан құр қалған жоқ.