Ішкі Істер департаменті Алматыдағы жағдай бақылауда деп мәлімдеді
Арматура темірлер мен жанармай толы бөтелкелер қалталарға салынып қаладағы екі алаңның маңайына жасырылған екен.
Автор: Ербол Тұрымбет
21.05.2016
«Молотов коктейлі» деп аталатын қарудың мұндай түрі негізінен наразылық шерулерінде кеңінен қолданылатыны белгілі. Демек «бейбіт шеру» деп жүргендердің өз мақсаттарына қалай дайындалғаны көрініп қалды. Оның үстіне, полиция Республика және Астана алаңы маңайында пәтер жалдаған бес адамды ұстады. Олардан 4 граната, 2 тапанша, 1 шолақ мылтық, оқ- дәрі және 5 миллион теңге тәркіленген. Арандатуға бағытталған құрал-саймандардың барлығын қазір полиция тәркілеп алды. Сондай-ақ, арнайы қызметтер барлық қауіпті жағдайдың алдын алуда. Ал арам пиғылдыларға қатысты тергеу басталған.
Салтанат Әзірбек, Алматы қалалық ІІД ресми өкілі:
- Алматы қаласындағы ахуал бақылауда. Айта кететініміз, қала тұрғындары болсын, жалпы азаматтарға, қандай да бір оқыс немесе қылмыстық әрекеттердің куәсі болатын болсаңыз, біреуге күдігіңіз бар болса, міндетті түрде 102 телефонына хабарлап, мәлімет етуіңізді сұраймыз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
