Тәжіктер Эмомали Рахмонға президент сайлауына шексіз қатысуға рұқсат берді
Осындай өзгеріс енгізілген жаңа Конституцияны ел халқы бірауыздан қолдап, дауыс берген.
Автор: Олжас Байжан
23.05.2016
Бүгін сайлау комиссиясы саяси науқанның алғашқы қорытындыларын жариялады. Оған 4 миллионнан астам адам, яғни дауыс беру құқы бар халықтың 92 пайызы қатысқан. Және соның 94,5 пайызы Конституцияға өзгеріс енгізуді қолдапты. Жаңа заңға сай, енді қазіргі президенттің өмір бақи тақтан түспеуге мүмкіндігі бар. Естеріңізге салсақ, Эмомали Рахмон елді 1994 жылдан бері басқарып келеді. Сондай-ақ президент сайлауына қатысатын үміткерлердің жасы 35-тен 30-ға дейін төмендетілген. Бұл 4 жылдан соң Рахмонның үлкен ұлы Рустам Эмомалиге билікті өз қолына алуға мүмкіндік бермек.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
