Көз жұмғандардың денелерін құтқарушылар теңіз түбінен әрі кеменің жүк салғышынан тауып алып жатыр. Сөйтсе, тасымалдаушылар жалаңаяқ жұмыссыздарды жол бойы сонда ұстаған екен. Ал кеме суға кеткенде дер кезінде шыға алмай қалған. Туған жерін тастап, Италияға табыс табуға шыққан мыңдаған африкалық мигрант осылай жылда діттеген жеріне жете алмай көбіне теңізде қаза табады. Бұл жолы теңіз сақшылары бортта болған 700 адамды құтқарды. Статистика бойынша, батып кету қаупіне қарамастан, Еуропаға жыл басынан 191 мың мигрант су арқылы нәпақа іздеп шыққан екен.