Петропавлда Шыңғыс хан дәуірінде асылған етке тұрғындар таласып қалды
Тіл үйіретін төңкерме, көмеш, орама, қоспа және сарбас. Петропавлда ұмыт болған ұлттық тағамдар байқауы өтті. Аспаздар қазір өте сирек дайындалатын 26 түрлі ас дайындап әкелді.
Автор: Гүлмира Тасболатқызы
31.05.2016
Толғағы қысқан әйелге берілетін төңкерме жас ананың омырауын да сүтке толтырады екен. Ал ұзатылып кеткен қызын сағынғанда, шешесі оның артынан үлбіршек дайындап беріп жіберетін. Жылқы не сиырдың жүрегінен жасалатын бұл ас жиналғандардың таңданысын тудырды. Сайысқа қатысушылар өздері әкелген әрбір астың тарихы мен жасалу жолын да түсіндірді. Нәтижесінде, бас жүлде сарбас деген тағам дайындаған петропавлдық аспаз Юрий Дубининге бұйырды. Ол бұл ас туралы ақпаратты ғаламтор мен кітапханадан жинапты. Бір тамшы сусыз, жапан далада дайындалатын ет Шыңғысхан дәуірінен жеткен екен. Дубинин енді облыс намысын Таразда өтетін республикалық сайыста қорғамақ.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
