БҚО-да теледидардан түспейтін танымал музыкант ақша жеді деп айыпталуда
Батыс Қазақстан облыстық камералық оркестрінің жетекшісі ірі көлемде қаржы жымқырды деп айыпталуда. Мәліметтерге қарағанда өнер ұжымының басшысы 13 миллион теңгені қалтаға басқан.
Автор: Руслан Әбдіхалық
01.06.2016
Гүлжан Әлиева, Батыс Қазақстан облыстық камералық оркестрінің директоры:
-Оркестр құрамында облысымыздың талантты жастары көп. Барлығы Қазақстан мен Ресейдің маңдайалды университеттерін бітірген.
Бұл Гүлжан Әлиеваның өзі басқаратын ұжымды жер көкке сыйғызбай мақтап, жергілікті арнаның біріне сұхбат беріп жатқан сәті. Өңірде аты дүркіреген оркестрдің директоры қазір қамауда отыр. Оған қатысты Қылмыстық кодекстің екі бабы бойынша тергеу жүріп жатыр. Белгілі болғаны, ол екі музыкантты жұмысқа алдым деп жалған құжат жасаған. Сөйтіп, санда бар, санатта жоқ қызметкердің жалақысын өзі алатын болған. Тіпті ауадағы әртістерге сыйақы да тағайындап, оларды өтірік гастрольге жіберіп келгені де анықталды. Әлиева осылайша, алты жыл ішінде 13 миллион теңгені жымқырған.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
