Әлемнің алпауыт компаниялары Астанада қару-жарақ саудасын қыздырмақ
Ертең бас қалада басталатын әлемдегі ең ауқымды «KADEX–2016» халықаралық қару-жарақ көрмесінде Қазақстан әскері де өз қуатын көрсетеді.
Автор: Ербол Сейілхан
01.06.2016
Қазір Елорда шетіндегі әуе базасында павильондар құрылып, әскери техникалар даладан орын тепкен. Ал аспанда небір шоу жасайтын тікұшақтар соңғы әзірліктерін пысықтап жатыр. Франция, Германия,Түркия сияқты НАТО-ға мүше елдерді айтпағанда, ұзын саны 50 шақты мемлекеттен келетін жүздеген компания танк, ұшақ, тікұшақ, қару-жарақтың ең озық түрлерін әкеліп саудаға шығарады. Яғни, ешқандай делдалға жүгінбей, алпауыттармен Астанада отырып келісім-шарт жасасуға мүмкіндік бар. Ал қарулы күштерінің қауқарын көрсететін Қазақстан әуеде қалықтайтын ұшақтарға отандық керосинді құймақ. Бұл үшін 405 тонна отын мен 670 келі сұйықтық еліміздің мұнай өңдеу зауыттарында жасалыпты. Ашылу салтанатында бұрын-соңды болмаған шоуды уәде еткен көрмені қарапайым халық тек сенбі күні тегін тамашалай алады.
Оқас Сапаров, ҚР Қорғаныс министрінің орынбасары:
-Бізде «Қазақстан инжиниринг» бүкіл техниканы жөндейді. Атқыш қару шығарамыз. Биыл патрон шығараттын зауытты салуды бастадық. Бәрін істеп жатырмыз. Енді екінші мақсатымыз соны экспортқа жіберу.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
