Оразада берілетін пітір садақаның көлемі белгілі болды
Дүйсенбіде Ораза! 6-шы маусымда күллі мұсылман қауымы үшін қасиетті Рамазан айы басталады. Биылғы Ораза күннің ең ұзарған сәтіне сәйкес келіп отыр.
Автор: Ербол Тұрымбет
03.06.2016
Осы жолы таңның атуы мен күннің батуының аралағы 18 сағатқа дейін созылады екен. Бес парыздың бірі саналатын биылғы Оразада мұсылмандар 29 күн ауыз бекітеді. Құлшылық етушілер шілденің 1-інен 2-сіне қараған түні мың айдан да қайырлы Қадір түнін күтеді. Ал пітір садақа еліміз бойынша – 200 теңге. Оны Рамазанның бірінші күнінен бастап Ораза айт намазына дейін беруге болады. Киелі айдың құрметіне орай барлық өңірлерде тегін автобус, тегін такси сынды жеңілдіктер ұйымдастырылмақ. Сондай-ақ, Бас мүфти еліміздің қалталы азаматтарына үндеу тастады.
Ерлан қажы Малғажыұлы, Бас мүфти:
-Қасиетті Ораза айында әл-ауқаты төмен отбасыларға, көпбалалы отбасыларға Алла разылығы үшін жәрдем жасау және осы Ораза айында құдайы астарды кешкі ауызашар уақытында беру, сонымен қоса исраф жасамау.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
