Жезқазғанда жүргізуші бетіне дәрет шашқан полицей бостандыққа шығатын болды
Жезқазғанда өзіне кіші дәретін шашқан көлік жүргізушісін ұрамын деп 5 жылға сотталған экс-полицей бостандыққа шығатын болды. Төлеген Игібековтің апелляциялық арызын қараған облыстық сот алқасы кесілген мерзімді шартты жазаға ауыстырды.
Автор: Саят Сабдалы
07.06.2016
Өйткені жазаны жеңілдетуді райынан қайтқан прокурорлар сұраған екен. Ал экс-полицейдің өзі тергеу кезінде ақпарат құралдарының біріне әлгіндей оқиға қайталанса дәл осылай жасайтынын айтыпты. Сот алқасы процесте оның осы қылығына шүйлікті. Игібековтің наркологиялық диспансерде өзіне зәр шашты деген жүргізушіні жағадан алып, желкеден түйіп жатқаны мына таспаға түскен. Апеляцияық алқа жазаны жеңілдетсе де, тәртіп сақшысының әрекеті қылмысқа жататыны айдан анық дейді.
Мұсабек Әлімбеков, Қарағанды облыстық сотының төрағасы:
-Құзыретін пайдаланып қол жұмсау қылмыс. Қандай болған жағдайда өзін өзі ұстауы керек еді. Жас балалары барын ескеріп қана жазасын жеңілдеттік, бірақ бұл жасағаны қылмыс екенін басқалар біле жүрсін.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
