-Сен қанша әкім көрдің ал?

-Ал қайсысы істеді ал?

-Ей, халық білгенде не ол? Сіз қазір шақырасыз, бұл кісілер сіздерге шешім береді ма қолға?

Соңғы бес жылдағы әкімдерді санап, қызыл кеңірдек болып жатқандар Ұзынағаштағы апатты үйдің тұрғындары. Әбден ескірген үйлерінің жырын жылдар бойы айтып, жергілікті басшыларға жеткізе алмай жүр. Екі қабатты ғимараттың шатыры ақыры кеше ортасына түсіпті. Қайта тұрғындары дін аман.

Күлғайша Досқұлова, Ұзынағаш ауылының тұрғыны:

-Кейде жарық та өшіп қалады жаңбыр жауса. Төбемізден су сорғалап, табақ-тегеш барлығын қойып қоямыз. Жатарға орын таппаймыз. Әкім құлап қалған кезде ғана келді. Міне көршілердің барлығы жылап тұр. Не деген сұмдық? Сүріледі дегеніне 10 жылдай болды!

75 тұрғыны апаттан соң жақын маңдағы мектепке көшірілген. Барлығының қолында 2012 жылы жүргізілген сараптама қорытындысы бар. Қағазға сенсек нысан сол кезде-ақ апатты деп танылыпты. Бірақ әкім тұрақтамайтын ауылда жұрттың жанайқайы ескерусіз қалып келеді.

Сажида Рысмедиева, Ұзынағаш ауылының тұрғыны:

-Әкімдердің барлығы біледі . Барамыз әкімге, ешкімге проблема керек емес. Оларға біз керек емеспіз.

Дегенмен тұрғындардың арасында әкімдіктің сөзін сөйлейтіндері де бар екен. Ашынған жұрт олармен төбелесуге дейін барды.

-Сейчас эти двое женщин затыкают. Аким им сказал, чтобы все замолчали до вечера! Правильно же?А когда люди страдают таким образом, как они могут молчать? Сегодня он пообещал, а завтра отказался. 

-Ал бұл үй құламаса сіздерді көшірмеуші еді ғой, соны ойламадыңыз ба?

-Неге ойламаймыз, ойлап жүгіріп жүрміз ғой. 2012 берді қиратуға. Қағазымыз қолымызда бар.

Ал шенділердің жауабы көңіл көншітпейді. Көмек тек облыстан келген мамандардың сараптамасынан соң белгілі болады екен. Ал ол уақытқа дейін нысанға кіріп-шығуға тыйым салынып, полиция күзетуде.

Нұрлан Ертас, Жамбыл ауданы әкімінің орынбасары:

-Тәуелсіз сараптаманың қорытындысын қарап жатырмыз. Кімнің және қашан жұмыс жүргізгенін анықтаймыз. Үй апатты деп танылған акті бар екен. Енді өзіміз сараптама жасаймыз.

Арнайы комиссия 4 жыл бұрын тұрғын үй апатты деген ұсыныс жасапты. Бірақ атқамінерлер асығыстық танытпай, шатырдың опырылып түсуін күткен сыңайлы. Ендігі кезекте жаңа әкім жаңалық енгізбекші. Бірақ нақты қандай шараның қолданылатынын және баспанасынан шығарылған жұрттың интернатты қанша уақыт паналайтынын ашып айта алмады. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!