Ақтөбедегі терактіге қатысты сарапшылар пікір білдірді
Ақтөбеде лаң салған содырлар қоғамда үрей тудырып, халықты бір қорқытып алуды мақсат еткен. Бұл туралы бүгін белгілі саясаттанушы Сұлтан Әкімбеков мәлімдеді.
Автор: Диас Нұрақын
07.06.2016
Айтуынша, радикалдар бұл қарулы-қақтығысқа жоспарлы түрде әрі тыңғылықты дайындалған. Тіпті басынан бақайшығына дейін қаруланып, жоспарлы түрде топтасып шабуылдаған дейді саясаттанушы. Ал түпкі мақсаты елде бейберекетсіздік орнатып, мемлекетке нұқсан келтіру. Сондықтан оларды түп-тамырымен жою үшін күресті тоқтатпау керек дейді Әкімбеков.
Сұлтан Әкімбеков, ҚР Тұңғыш Президентінің қоры жанындағы әлемдік экономика және саясат институтының директоры:
-Менің ойымша лаңкестер мемлекеттік жүйені өзгертуге талпынбайды. Тек қоғамда үрей тудырып, халықты қорқытып қойғысы келеді. Бұл біздің ғана басымыздағы жағдай емес. Қазір Еуропа елдері мен басқа да мемлекеттер дәл осындай жағдайға душар болған. Сондықтан құзырлы орындар радикалдармен күресуді бір сәтке де тоқтатпауы керек.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
