-Ақтөбедегі жағдай әлі тынышталмай тұр. Қала ішіндегі қатынас пен байланысқа қойылған шектеулер алынып тасталғанымен, жұрт үрейден арылмаған. Оған да себеп жоқ емес.

Қаланың қақ ортасындағы 8-ші ықшамаудан тұрғындары түске таман тағы бір дүрлігіп қалды. Куәгерлердің айтуынша, мұнда да атыс болған.

Әділхан Демесінов, Ақтөбе қаласының тұрғыны:

-Осыдан бір сағат бұрын атыс болды. Полиция  біреуді қуып жүр. Одан басқасын білмеймін.

Жексенбі күнгі лаңкестік оқиғаға қатысы бар күдіктілердің 7-уі әлі бостандықта жүр. Содырлардың суреттері бар, аты-жөндері белгілі. Олардың екеуі Ақмола мен Қызылорда облыстарының тумалары, қалғандары ақтөбелік. Араларындағы ең үлкенінің жасы 43-те. Ал лаңкестердің жақындарының ешбірінің тілшілермен сөйлескісі жоқ. Тек іздеуде жүргендердің тізімін көрген көршілері таң қалып отыр.

-5ші маусымнан бері оны көрмедім. Анасын танимын. Сәлемі түзу еді. Бұл қалай болғанын өзіміз түсінбей қалдық. 

Ішкі істер министрлігіндегілер барлық жағдайды қадағалап отырғандарын айтады. Сондықтан тұрғындарды сабырға шақыруда.

Алмас Сәдубаев, ҚР ІІМ ресми өкілі:

-13 қылмыскердің көзі жойылды. 4 жарақаттанды. 7 қылмыскер іздеуде. Ішкі істер органдары іздеудегі қылмыскерлерді ұстау бойынша барлық шараларды қабылдауда.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!