Назарбаев қарсылық танытқан лаңкестердің сол бойда көзін жоюды тапсырды
Сондай-ақ, Нұрсұлтан Назарбаев антитеррорлық операция кезінде қарсылық танытқан радикалдарды сол бойда көзін жоюға тапсырма берді. Бүгін дереу Ақордаға шақыртылған Ұлттық қауіпсіздік комитетінің төрағасы президентке лаңкестерді құрықтау шарасының қалай жүріп жатқанын баяндады. Владимир Жұмақанов содырлар күш құрылымдарын шатастыру үшін топ-топқа бөлініп кеткенін айтып отыр.
Автор: Ербол Сейілхан
08.06.2016
Владимир Жұмақанов, ҚР Ұлттық қауіпсіздік комитетінің төрағасы:
- Қазіргі таңда 6 адам іздеуде. Олар екі топқа бөлінген. Біреуі жалғыз. Олар Ақтөбе қаласында жүр.
Нұрсұлтан Назарбаев, Қазақстан Республикасының президенті:
-Біз олардың сол аймақта екенін білеміз. Халыққа ескерту жасалды. Қылмыскерлердің біреуін де қалдырмай ұстау керек. Қарумен қарсылық көрсетсе, көзін жою керек. Барлығы қатаң түрде жазалануы тиіс.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
