Қызылжарлық полицейлер жарақат алған ақтөбеліктерге қан тапсырды

Қызылжардың тәртіп сақшылары Ақтөбедегі оқиғадан жарақат алған жандарға арнап қан тапсырды.  Тілек білдіргендер таң атпай Петропавлдағы қан орталығына ағылды. Бұрындары басшылықтың нұсқауымен ғана атқарылатын мұндай шараға тәртіп сақшылары осы жолы өз еріктерімен келіпті. Күні бойы ішкі істер департаментінің түрлі бөлімдерінен ағылған донорлардан толас болған жоқ. Нәтижесінде жүзге тарта полицей 40 литр қан тапсырыпты. - Оларға тілейтініміз тезірек жазылып кетіп, өздерінің  отбасыларына аман-сау оралсын.