Иракта 3 мың жылдық тарихы бар шіркеу қиратылды

Нимруд қаласындағы Набу ғибадатханасын содырлар жарып жіберген. Ғарыштан түсірілген таспада ғимараттың кіре берісі қатты бүлінгені анық байқалады. Тіпті ғибадатхананың жарылған сәті ғаламтор арқылы да таралып жатыр. Ал лаңкестер мыңжылдық тарихы бар мәдени мұраларды қиратуды доғарар емес. Содырлар енді Мысырдағы мүсіндер мен пирамидаларды жарып жібереміз деп сес көрсетуде. Сондықтан Ирак әскері мен күрд жасақтары АҚШ бастаған коалицияның қолдауымен Мосул аумағындағы экстремистерге шабуыл жасауға дайындалып жатыр.