Алматыда өртенген базарға қатысты тағы дау шықты
Алматыдағы «Адем» сауда үйінің сатушылары орын жалдау ақысының қымбаттауына қарсы. Мұндағы бутиктердің әр шаршы метрінің ақысы 20 мың теңгеге дейін жоғарылайды екен. Өртенген ғимараттың орнына салынатын жаңа «Адемнің» құрылысына қаржыны соның есебінен алынбақ.
Автор: Ербол Тұрымбет
15.06.2016
Шахадат Бакиева, «Адем-1» сауда үйіндегі өрттен зардап шеккендер одағының төрайымы:
- «Адем-1» неге біз сияқты жалға алушылардың ақшасына салынуы керек? Онсыз да қиын жағдайда жүргенде бутиктерді жалдау ақысы неге қымбаттайды? Біз бұған түбегейлі қарсымыз.
Мұнда жанып кеткен «Адем-1-дің» орнына жаңа ғимарат бой көтермек. Ал оның шығынын сауда орталығының басшылары саудагерлерден жалға беру ақысын көтеру арқылы өндіріп алмақшы. Сондай-ақ, өртенген сауда кешеніне қатысты қозғалған қылмыстық істер де тоқтап қалуы мүмкін. Яғни, сауда орны басшылары сатушыларды үгіттеп ешқандай шағымым жоқ деген қолхатын жаздырып алуға тырысып жатыр екен. Бірақ «Адем» басшысы бұл сөздің бәрі жалған дейді.
Ирина Пяк, «Алматы ХХІ ғасыр» ЖШС бас директоры:
-Бұл жала. Ешқандай дәлелдері жоқ. Арызданды деген сатушылары да мұнда келген жоқ. Ал бутиктерді жалға беру ақысына келсек, бұрынғысынша қала береді. Тек келісім-шартқа қол қоймай тұрып алдын ала мың доллар төлеуі керек. Оны да заңдастырып қойғанбыз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
