Қарағандыда шенеуніктер отырғызған талдар қурап қалды

Қарағандыдағы мемлекет қызметкерлері аллеясының жағдайы мүшкіл. Жаһанға жар салынып шенеуніктердің өз қолдарымен отырғызған талдары бір айға жетпей қурап қалды.    Ал алда 23-ші маусым, мемлекеттік қызметкерлер мерекесі келе жатыр. Аллеяны ашу да осы датаға орайластырылған. Мамыр айында жас-кәрісі бар топырлап кеп тал еккен. Тайлы тұяғымен күрек кетпендерін көтерген шенеуніктер тілшілер алдында біраз көсілген еді. Алайда, жалынды сөздері сол жерде қалып қойған сияқты. Содан бәрі нәр татпаған жас талдар ақыры қурап тынған.