Өскеменде табылған қара сөмке жұртты дүрліктірді
Өскемен көшелерінің бірінен табылған қара сөмке шаһардың жедел қызметтерін аяғынан тік тұрғызды. Оның ішінен әлдебір темір бұйымдар шыққан.
Автор: Гүлмира Тасболатқызы
15.06.2016
Көше бойында қараусыз жатқан қара сөмкені таңертең жұмысқа асыққан қала тұрғыны көріпті. Ол дереу тәртіп сақшыларына хабарласқан. Полицейлер оқиға орнын қоршап, көлік қозғалысын шектеді. Сөмкені тексеру үшін саперлер шақырылды. Олар тапқан түсініксіз металл бұйымдар жарылғыш зат жасауға арналған саймандар болуы мүмкін деген жорамал бар.
Бақытжан Торғаев, ШҚО ІІД баспасөз хатшысы:
- Қазіргі уақытта әскери қызметкерлер мен саперлармен осы сөмкенің ішіндегі металл бұйымдар тексерілу үстінде. Қазіргі уақытта бұл металдың жалпы қандай да бір қауіпті не болмаса қауіпсіз екендігі тексерілуде.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
