Шығыс Қазақстан тұрғыны қонжық асырап жұртты таң қалдырды
Екі аптадан бері қолға үйретіп жатқан қожайынның бұйрықтарын да бұлжытпай орындайды екен. Тіпті, балалардан қалмай ойнап, өзенге бірге шомылады.
Автор: Ұлан Нұрахмет
16.06.2016
Ауыл имамы Раушан Зульфиев қонжықты егіс алқабынан тауып алыпты. Айтуынша, енесін браконьерлер атып алған көрінеді. Ал ол иен далада өлудің аз-ақ алдында қалған шынашақтай жыртқышты үйіне әкелуді жөн санаған. Бастапқыда оның бұл әрекетіне ауылдастары қарсылық білдірген. Қазір 3 айға толған Миша есімді қонжық көптің қаупін сейілтіпті. Иесінен ішетін сүті мен жейтін балын да дауыс шығарып сұрауды үйренген екен. Алғыс ретінде олардың беті-басын жалайтын көрінеді. Қонжықты қолда өсіруді ғаламтордан оқып біліп отырған Зульфиевтар оны зообаққа өткізгілері жоқ.
Раушан Зульфиев, Герасимовка ауылының тұрғыны:
-Адам өзінің мейіріміне бөлесе ешқашан бұл жыртқыш болмайды. Ол үйренеді адамға. Егер, бұған қатал қараса әрине жыртқыш болып өседі.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
