Үкімет 8 миллиардқа жуық теңгені тағы игере алмаған
Бүгін Сенатқа былтырғы бюджеттің игерілуі туралы есеп беру үшін Министрлер кабинетін вице-премьер Дариға Назарбаева бастап келді.
Автор: Жәудір Оразхан
16.06.2016
Көрсеткіштер бұл жолы да көңіл көншітпейді. Себебі 8 миллиард мүлдем игерілмей, шотта бос жатып қалған. Ал 459 миллиард теңге тиімсіз жұмсалған. Қолда бар ақшаны ұқсата алмағандықтан, 64 әлеуметтік нысан, яғни, мектеп, аурухана, тұрғын үй салынбай қалған. Үкімет былтыр мемлекеттік кірістің жоспарын да орындай алмапты. Сенаторлардың сын-ескертін мұқият тыңдап шыққан Назарбаева, қарамағындағыларын қатаң бақылауға уәде берді.
Дариға Назарбаева, ҚР Премьер-министрінің орынбасары:
-Қателіктер бар, оны мойындаймыз. Мемлекеттік қызметкерлердің жұмысын қадағалау үшін қоғамдық кеңес құрылды. Яғни, тәуелсіз сарапшылар енді бюджет қаржысының игерілуіне емес, нәтижесіне қарай бағалайтын болады. Сондықтан 2016 жылғы бюджеттің есебі әлдеқайда сапалы болады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
