Семейде психиатрия тақырыбында ерекше көрме өткізіліп жатыр
Онда өткен ғасырда жүйке жүйесі ауыратындарды емдеу үшін қолданылған заттар қойылған.
Автор: Ұлан Нұрахмет
17.06.2016
Ол заманда тіпті дәрігерлер үшін науқастың қабылдайтын ем-домы мен сырқатын жазатын қағаз тапшы болыпты. Екінші дүниежүзілік соғыстан кейін олар бұл тығырықтан шығу үшін түрлі басылым беттерін қолданыпты. Мысалы, науқастардың аты-жөндері жазылған мына том-том газет беттері соның дәлелі. Бүгінде ондағы жазулардың сиясы өше бастаған. Ал, сол тұста жүйке жүйесі ауырғандарды тыныштандырған темір кісен мен арнайы киімдер жұрттың жағасын ұстатты. Науқастардың үстіне жеңі екі жарым метр болатын жейде кигізілген екен. Бұл мейірбикелерге бағынбағандарды төсекке таңып тастауға өте қолайлы болған. Қазір әрине, аурухада бұлардың бірі де қолданылмайды.
Гүлнұр Төртенова, облыстық тарихи- өлкетану мұражайының маманы:
-Біз мыңға жуық заттарды әкелдік. Өзіміздің мұражайымызға қабылдадық. Енді, олар біздің жәдігерлеріміз болып саналып отыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
