Депутат Өксікбаев бюджет ақшасын оңды-солды шашқан Досаевқа шүйлікті
Депутаттар көп мақталған «Бәйтерек» холдингінің қызметін де әбден сынады. Мемлекеттік бағдарламаларды жүзеге асырумен айналысатын ұлттық компанияны бюджет ақшасын шашудан басқа түк бітірмей отыр дейді мәжілісмен Омархан Өксікбаев. Яғни, дивиденд төлемейді, есесіне штатын көбейтіп алған.
Автор: Жәудір Оразхан
17.06.2016
Өксікбаевтың айтуынша, соңғы 3 жылда мемлекет «Бәйтерек» пен оған қарасты компанияларға 365 миллиард теңге бөліпті. Ал, осы күнге дейін холдинг басшылары жылды табысты аяқтадық деп есеп бергенімен, қазынаға мүлдем пайда түсірмеген. «Бәйтерек» холдингіне «Тұрғын үй құрылысжинақ банкі», «Қазақстанның даму банкі», «Даму» кәсіпкерлікті дамыту қоры қарайды. Және мемлекеттік тұрғын үй бағдарламасын жүзеге асыруға жауапты. Енді депутаттар ұлттық компанияның табысы мен шығынын жіті тексеруді талап етуде.
Омархан Өксікбаев, Мәжіліс депутаты:
-Мемлекет «Бәйтерек» холдингіне жылына 32 миллиард теңге жұмсайды. Менеджерлері мемлекеттің ақшасын үнемдеуді білмейді, оңды-солды шашуда. Ол аздай ұлттық компанияның өткен жылғы сыртқы қарызы 1 триллион 21 миллиард теңгеге жеткен. Жалпы 5 миллиард долларға жуық берешегі бар. Ал шетелдерден алған несиенің нәтижесі мүлдем жоқ.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
