Петропавлда тұрғындар қайнаған суға күйіп қала жаздады
Петропавлдағы көпқабатты үйдің ауласы арқылы өтетін жылу құбыры жарылып, аспанға атқылаған ыстық су жұртты біраз әбігерге салды. Қайта, күйік шалып, зардап шеккен ешкім жоқ.
Автор: Гүлмира Тасболатқызы
21.06.2016
Ыстық су аяқасты атқылай бастағанда, есік алдында ойнап жүрген балалар жан- жаққа қашып үлгеріпті. Ал сыздықтап басталған су бұрқақтың биіктігі кейін төртінші қабатқа дейін көтерілген. Оқыс оқиға жылу жүйесін жуып-шайып жатқан коммуналшылардың кесірінен болған екен. Олар ескі құбыр жоғары қысымға шыдай алмады деп отыр. Жарты сағат бойы ыстық су атқылаған жарықты апаттық бригада бітеді. Балкондарын құрғатып әлек болған жұрт енді суға толған жертөлелері үшін алаңдаулы.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
