Еркіндік аулының тұрғындары ауруханаларға маусымның 19 -нын жеткізіле бастаған. Бүгін түнде бақилық болған 33 жастағы Айгүл Ахметованың артында еңіреп төрт баласы қалды. Ал туғандары түннен бері  дәрігерлерден түсінік ала алмай аурухана алдында сабылып жүр. Айтуларынша, ауыр халде қалаға жеткізілген Айгүлге дәрігерлер ем қолданбағаны былай тұрсын, бір тәулік бойы басқа ауруханада ұстапты.

Махаббат Әбдікеева А. Ахметованың туысы:

-Бір тәулік бойы облыстық клиникалық ауруханада ұстап, уақыт жоғалтты. Кеселдің түрін бірден анықтаса, құтқаруға болар ма еді. Кейін осында жеткенде, күйдіргі ауруы болуы мүмкін деді.

Ауруханада түнде сол ауылдың 50 жастағы тұрғыны да жан тапсырды. Тепсе темір үзетін азаматтың санаулы сағаттарда -ақ демі таусылғанына туыстары әлі сене алар емес. Ал дәрігерлер сараптама қортындысы шықпайынша нақты мәлімдемеден тартынып отыр.

Тамара Дүйсенова, ҚР Денсаулық сақтау және әлеуметтік даму министрі:

-Иә, екі азамат қайтыс болды. Біз медициналық мекемеге келгендердің бәріне ем көрсетіп жатырмыз. Ол енді сібір жарасы ма,басқа ауру ма, санэпидқызмет  анықтайды. Сондықтан қазір қажетті зерттеулерін жүргізіп жатыр.

Ауылда қазір әр аулаға заласыздандыру жұмыстары жүргізілуде. Өзін нашар сезінгендердің барлығы дәрігерлердің қарауына алынған. Өйткені ауруханаға түскендер ауырған малдың етін жалаң қолмен ұстағандары анықталыпты. Алайда, екі адамның өмірін қиған қауіпті кесел малдан жұқты дегенменмен, ауылда әлі карантин жарияланбаған. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!