АҚШ-та демократтар мәжіліс залынан шықпай, жерге табандап отырып алды
АҚШ конгресмендері қарсылық көрсетудің тың әдісін көрсетті. Қару-жарақ саудасын шектеу туралы заңды қабылдауын талап еткен демократтар мәжіліс залынан шықпай, жерге табандап отырып алған.
Автор: Ербол Тұрымбет
23.06.2016
АҚШ Конгресінің төменгі палатасында демократиялық партия өкілдері өз наразылықтарын осылай білдірді. Олар елде қару-жарақ саудасын барынша қатаң бақылауға алатындай заң жобасын қабылдау үшін дауыс берген. Бірақ, дүйсенбі күні АҚШ Сенаты ол заңды қайтарып тастады. Төменгі палатадағы республикалық партия мүшелері де бұндай заң америкалықтардың конституциялық құқығын шектейді деп есептейді екен. Ал Конгресте олардың үлесі демократтарға қарағанда басым. Жалпы қару саудасын шектеу туралы заң жобасы атышулы Орландо оқиғасынан қызу талқыға түсуде. Түнгі клубта болған қанды оқиғадан 49 адам көз жұмған болатын.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
