Қазақстан ауыр атлетика құрамасы халықаралық жарыстардан шеттетілді
Қазақстан ауыр атлетика құрамасы түгел бір жылға барлық халықаралық жарыстардан шеттетілді. Тбилисиде бас қосқан Халықаралық ауыр атлетика федерациясының атқарушы комитеті осындай қатал шешім шығарды.
Автор: Ербол Тұрымбет
23.06.2016
Сондықтан зілтеміршілеріміз Рио Олимпиадасынан құр қалайын деп тұр. Ресей мен Беларусь құрамаларына да қатысты осындай шешім шықты. Халықаралық ұйымның мұнша қатал жаза қолдануына Бейжің мен Лондон Олимпиадаларының сараптамалары себеп болыпты. Бұған дейін Олимпиада чемпиондары Илья Ильин, Мая Манеза, Зульфия Чиншанло және Светлана Подобедовалардың сынамаларынан тыйым салынған заттардың табылғаны айтылған. Ереже бұзған спортшылары үшеуден асса ол елдің ұлттық құрамасы жарыстан шеттетілуі керек деген тәртіп бар екен. Ал спортшыларымыз бұл айыпты мойындаған жоқ.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
