Қарағанды облысында күйдіргіден көз жұмғандар хлор себілген табытпен жерленді
Қарағанды облысында күйдіргі дертін жұқтырып көз жұмған 2 адам бүгін жер қойнына берілді. Олар мырыш табыттармен асты-үстіне хлор төселіп көмілген. Енді мамандар Еркіндік ауылында ауру таратуы мүмкін қаңғыған ит пен мысықты аулауды бастады.
Автор: Саят Сабдалы
23.06.2016
Ал ауру малдың еті тараған 13 үйдің іші мен қора- қопсысы тегіс залалсыздандырылған. Тіпті 90 келіден аса көрпе төсек, жаялықтары да бірнеше рет арнайы қоспалармен жуылған. Енді ветеринарлар ауылдағы кесел жұқтыруы мүмкін бұралқы ит- мысықтардың көзін тегіс жоймақ. Бұл үшін ауылға кеселді жұқтырған жануарлардың күлін де қалдырмай өртейтін арнайы техника жеткен. Естеріңізге салсақ, сойылған ауру мал етінен күйдіргі дертін ауылдың 9 адамы жұқтырған. Оның 2-уі көз жұмса, қалған 7-уі ем алып жатыр. Жалпы Еркіндік ауылының 70 тұрғыны қазір дәрігерлердің бақылауында. Карантин жарияланып ауылға кіріп-шығуға шектеу қойылды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
