иға жайында Олжас Байжан толығырақ.

Соңғы өзгеріс тек Ұлыбританияны ғана емес, бүкіл Еуропа мен әлемге әсер етуі мүмкін. Бірақ Біріккен корольдік халқы неден ұтылып, қай тұста ұтады дегенді басып айту қиын. Бір анығы «Брекзит», яғни Британияның Одақ құрамынан шығуы жылдар бойғы келісімдермен құрылған сыртқы сауда, қаржы, бизнес пен иммиграцияны түбегейлі өзгертері сөзсіз. Енді премьер Дэвид Кэмерон алдағы аптада Еуропа елдерінің басшыларымен кездесіп, ың-шыңсыз бөлінудің жолдарын талқылауы тиіс. Одақ құрамында қалуға үгіттеп, өзі де соңына дейін үміттенген премьердің бұл енді ашық жеңілісі. Сондықтан Кэмеронға отставкадан басқа амал жоқ. Бірақ орнын әзір емес, Консервативтік партияның жаңа басшысы таңдалған соң босатпақ.

Дэвид Кэмерон, Ұлыбританияның премьер-министрі:

-Мен елді дұрыс деген жолмен алып келдім. Жұрттан ештеңені жасырған емеспін. Біздің Еуроодақта қалғанымыз дұрыс болады деп ойлағам. Бірақ британдықтан өз таңдауын жасады. Онымен санасуға міндеттіміз. Сондықтан Ұлыбританияға жаңа көшбасшы керек. Қазір тұрақтылықты сақтау қажет. Сайлауға дейін алдағы 3 айда министрлер кабинетін басқаруды жалғастырамын.

Жалпы, референдум қорытындысы бойынша Еуроодақтан шығамыз деп дауыс бергендердің саны 52 пайыз. Бір қызығы, «Брекситті» жақтап көбіне Уэльс халқы дауыс берген. Еуроодақты қолдап жүрген олардың бұл қадамы барлығын таңқалдырып отыр. Ал Шотландия мен Солтүстік Ирландия күткендей-ақ тұтастықты жақтаған.

Ал «Брекзитті» жақтаушы консервативтік партиялар мұны үлкен жеңіс деп отыр. Тіпті Ұлыбританияның бұл нағыз тәуелсіздік алған күні деп жариялап, басқа Еуропа елдерін де осындай референдум өткізуге үндеп жатыр.

Найджел Фараж, Біріккен корольдіктің тәуелсіздігі партиясының жетекшісі:

-17 миллион адам «брекзитке» дауыс берді. Бұл біздің жеңісіміз. Банк, ірі бизнес пен үлкен саясатты жеңе алдық. Батыл бола білгендер дұрыс таңдау жасаған. Нидерландтағы сауалнама көпшіліктің Еуроодақтан шыққысы келетінін көрсетті. Сондықтан алдағы уақытта «Некзит», кейін Данияда «Декзитті» көреміз. Себебі Еуропа құрдымға кетіп барады.

«Брекзиттің» Еуроодақтағы басқа елдерге қалай әсер ететінін уақыт көрсетер. Бірақ бұл бірінші кезекте Біріккен корольдіктің өзіне соққы болып тиюі мүмкін деп пікір айтушылар көп. Өйткені, Одақ құрамында қалуды барынша жақтаған Шотландия мен Солтүстік Ирландия билігі енді Ұлыбританияның құрамынан шығу туралы референдумді қайта өткізуге ниетті. Дегенмен былтыр бұл бастамалары ел ішінде қолдау таппағанын айта кетейік. 

Саяси жағынан бөлек, бұл бөлінудің экономикалық салдары да орасан болғалы тұр. Бұл ретте екі тарап та ұтылады деген пікір айтады экономистер. Мәселен 2020 жылы жалпы ішкі өнім 0,2 пайызға төмендеп, жұмыссыздық деңгейі 9 пайызға жуықтайды. Қазірдің өзінде әлемдік қор биржаларында британиялық валюта құлдырауды бастады. Фунт стерлинг соңғы 30 жылда болмаған мәжеге дейін түскен. Мұнай бағасы да да 8 пайызға арзандады. Ал Азияның қор биржаларында бүгін барлық индекстер қызыл түске боялды. Бұл, әрине, жақсы жаңалық емес. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!