2017 жылдан бастап сақтандыру қорына ақша аудару басталады
Жаңа жылдан бастап жұмыс берушілер міндетті сақтандыру қорына ақша аударуды бастайды. Одан түсетін қаржы халық игілігіне жұмсалмақ.
Автор: Диас Нұрақын
28.06.2016
Бүгін Алматыда денсаулық сақтау саласындағы жаңа реформаның тиімді тұстары ел-жұртқа түсіндіріле бастады. Мамандардың айтуынша, бұдан былай жұмыс беруші мен азаматтардың өздері ай сайын тапқан табысының бір бөлігін сақтандыру қорына аударып отырады. Жиналған қаржы халыққа тегін медициналық қызмет көрсетуге жұмсалмақ. Яғни емделгісі келетіндер қордағы ақшасын пайдалана отырып кез-келген аурухананы таңдай алады. Ал жұмыссыз жүргендер мен әлеуметтік аз қамтылған отбасыларға сақтандыру қаржысы мемлекет есебінен төленбек.
Тілеухан Әбілдаев, Алматы қалалық медициналық қызметке ақы төлеу департаментінің басшысы:
-Жұмыс берушілер 2017 жылдан бастап өз жұмысшылары үшін 2 пайыздан жарналарын төлей бастайды. Ол әр жыл сайын бір пайыздан өсіп отырады да, 2020 жыл 5 пайызға дейін жететін болады. Ал жұмысшылар 2019 жылдан бастап өз жалақыларының 1 пайыз, ал 2020 жылдан бастап 2 пайыздан жарна төлейді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
