Лондонда еуроодақты жақтаушылар мен қарсылар шеру кезінде дауласып қалды
Ұлыбританияның Еуроодақтан шығуына қарсылық танытқандар Лондонда шеру өткізді. Трафальгар алаңына жиналған жұрт «брекзитке» наразылық танытып, референдум қорытындысына көңілдері толмайтынын жеткізді.
Автор: Олжас Байжан
29.06.2016
Дауыс беру нәтижесінде Ұлыбританияның 52 пайызы «брекзитті» таңдап, 48 пайызы Еуроодақ құрамында қалуға ниет білдірген еді. Осылайша ел екіге қақ бөлінді деп айтуға болады. Англия мен Уэльс дербестікті таңдаса, Шотландия мен Солтүстік Ирландия енді Ұлыбританиядан да бөліну мәселесін көтеруде. Осылайша жақын арада жаңадан дауыс беру науқаны басталуы мүмкін. Ал алаңға жиналғандар қолында «Біз Еуроодақты жақсы көреміз» және «Қателікке жол беріп алмайық» деген плакаттарды ұстаған. Олар нөсер жауынға қарамастан өз ойын білдіруге келді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
