Шымкентте тағы жантүршігерлік жол апаты болды
Шымкентте жолаушылар тасымалдайтын қоғамдық көлік кезекті мәрте бала өліміне себепкер болды. Шағын автобус алдында кетіп бара жатқан машинаны басып озамын деп жол апатына ұшырады. Қос көлік жол шетіндегі еңіске түсіп кеткен.
Автор: Бек Әбиев
29.06.2016
«Дэу Джентра» көлігінде 2 және 5 жасар ұлдарымен кетіп бара жатқан ерлі-зайыптылар естен танып қалған. Жедел жәрдем келгенше, 2 жасар сәби сол жерде көз жұмды. Ал, шағын автобустағы 4 азамат жеңіл жарақат алған. Куәгерлер апатқа жолаушылар тасымалдайтын көліктің жүргізушісі кінәлі дейді. «Дэу» солға бұрыла бергенде артынан келе жатқан автобус жоғары жылдамдықпен басып озбақшы болған екен. Жалпы, Жаңаталап ауылының жұрты осы жолдан зәрезап болғандарын айтуда. Онсыз да сапасыз жолдың бойына жылдамдықты шектейтін белгілер мен жаяу жүргіншілер жолағын сызып беруді сұрап, жергілікті әкімдікке сан мәрте барыпты. Бірақ нәтиже жоқ.
- Жол тар. Көреді-көреді да, қолдарын айқастырып кетеді. Сонда бастықтар не істеп жатыр ?Жұрттың 2-3 жасар баласы өліп жатыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
