Қасым-Жомарт Тоқаев, Сенат спикері:

-Бұл – Қазақстан үшін мейрам, тарихи оқиға, тарихи жеңіс деп айтуға болады. Бүкіл ел азаматтарын шын жүректен  құттықтаймын!  Бұл – Президенттің  әлемдегі беделінің арқасында жеткен жетістігі.

Біріккен Ұлттар Ұйымы Қауіпсіздік кеңесінің 15 мүшесі бар. Оның бесеуі, яғни Ұлыбритания, Қытай, Ресей, АҚШ және Франция тұрақты болса, қалған 10 мемлекет тұрақты емес. Енді Қазақстан да кеңестің 2017-2018 жылдардағы жұмысына  қатысу құқығына ие болды.  Елімізді  әлемнің  138 мемлекеті қолдап, дауыс беріпті. Басшысы осындай жағымды жаңалықты жеткізген Сенат бүгін жартыжылдық жұмысын да  қорытындылады. Жоғарғы палата алты айда әлеуметтік-экономикалық салаға қатысты 72 заң қабылдап үлгеріпті. Ал ертең Парламенттің бірлескен отырысы болады.  

Бізді Youtubе-та қараңыз! Бізді Facebook-та, Instagram-да, Telegram-да оқыңыз!