Қазақ әдебиеті жаңа есімдермен толыға түспек
Алматыда «Алтын қалам» әдеби байқауы биылғы маусымын ашты. Оған қатысқысы келген азаматтар шығармаларын байқаудың сайтына жібере алады.
Автор: Нұргүл Нұрланқызы
30.06.2016
«Алтын қалам» биыл бесінші рет өткізілуде. Сондықтан ұйымдастырушылар шараның мерейтойлық маусымында біраз өзгерістер енгізіпті. Әсіресе, «Жылдың үздік балалар және жасөспірімдер шығармасы» номинациясына ерекше көңіл бөлінген. Яғни осы аталым бойынша үздік деп танылған қатысушының балаларға арналған кітабы тегін басып шығарылады. Жалпы байқауға қатысамын деушілер әдеби шығармаларын жобаның интернет-порталына ертеңнен бастап жібере алады. Қазақ, орыс тілдеріндегі прозалық мен поэзиялық туындылар қазанның 15-іне дейін қабылданады. Әрі қарай үздіктерді қарапайым оқырмандар мен арнайы тағайындалған қазылар таңдамақ. Ұйымдастырушылар ұлттық әдеби байқау әділ өтеді деп сендіріп отыр.
Кенже Жұманұлы, «Алтын қалам» әдеби байқауын ұйымдастырушы:
- Бұл жерде іріктейтін оқырмандардың өзі, дауыс беріп, пікірлерін білдіреді. Және конкурстың тағы бір ерекшелігі авторлардың аты сайтта көрсетілмейді. Мұның бәрі әділ бағалау үшін қажет деп ойлаймыз. Тіпті, қазылар алқасы да кімге дауыс беріп жатқанын білмейді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
