Алматыда қабырғасы қисайған үйдің тұрғындары жаңа пәтерге 16-желтоқсанда көшеді
Апатты үйдің тұрғындары үшін ертең жаңа баспана салына бастайды. Алматының Алғабас ықшамауданындағы 42 сантиметрге қисайған үйдің тұрғындары желтоқсан айына дейін жаңа пәтерлеріне көшуі тиіс.
Автор: Ербол Тұрымбет
30.06.2016
Ал 9 қабатты ғимарат еңкейген қалпы әлі тұр. Жауапты мекемелердің өкілдерінен құрылған арнайы комиссия екі апта бойы іргесінің беріктігін тексеріп шықпақшы. Құрылыс нысанының құлатылатыны не құлатылмайтыны содан кейін белгілі болмақ. Ал бүгінде ағайын-туысы мен жалдамалы пәтерлерді жағалап кеткен 72 отбасы алдағы Тәуелсіздік мерекесі кезінде қоныс тойын тойлауы тиіс. Жалпы Алғаба» ықшамауданында осындай типтегі 97 үй бар екен. Бүгінде солардың барлығы жан-жақты тексерілуде.
Бағдат Мәнізоров, Алатау ауданының әкімі:
-1-шілдеден бастап осы «Астанақұрылыс» компаниясы өз міндетіне алды, екі үй салады. Бір үйді тура осындай жобамен осы тұрғындарға береді. 1-желтоқсанға дейін бітіріп беруге міндеттеме алды. 1-желтоқсанда бітірсек, 16-желтоқсанға дейін, мерекеге дейін осы үйдегі азаматтарды сонда көшірсек деген ойымыз бар.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
