Назарбаев жер сатуға заңмен уақытша тыйым салды
Ауыл шаруашылығына арналған жерді сатуды және шетелдіктерге жалға беруді уақытша тоқтату туралы заңға президент Нұрсұлтан Назарбаев қол қойды. Құжат санаулы күнде күшіне енеді.
Автор: Жәудір Оразхан
30.06.2016
Былтыр Ұлттық экономика министрлігі Жер кодексіне шетелдіктерге ауыл шаруашылығына арналған жерді 25 жылға жалға беру және отандастарымызға аукцион арқылы сату туралы өзгеріс енгізіп, она Парламент бекіткен еді. Құжат биыл 1-ші шілдеде күшіне енуі тиіс болатын. Алайда, жұрттың жаппай қарсылығынан соң Елбасының өзі Жер кодексіне жыл соңына дейін мароторий жариялаған. Сөйтіп, Ауыл шаруашылығы министрлігіне осы құқықтық құжатты қайта жазып шығу жүктелді. Және бұл мәселені шешу үшін қоғам қайраткерлері мен Үкімет мүшелерінен құралған комиссия құрылды. Қазір комиссия аймақтарды аралап жүр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
