Тараздағы түрмеде үйлену тойы өтті
Түрмедегі той! Тараздағы 158/4 түзеу мекемесінде жас жұбайлар шаңырақ көтерді. Бір -біріне ынтық жандар бұл күнді 7 жыл күткендерін айтады. Алайда екі жасты толыққанды отбасы деп айтуға негіз жоқ, өйткені күйеу жігіттің бостандыққа шығуына әлі бес жыл бар. Тілшіміз Руслан Әбдіхалық темір торда қиылған некеге куә боп қайтты.
Автор: Руслан Әбдіхалық
05.07.2016
Астанада қызмет істейтін Ботагөз Айбекова күні кеше Таразға жетіпті. Оның болашақ күйеуін көрмегеніне біраз уақыт болған. Сондықтан бойында қобалжу бар. Қатаң тәртіптегі колонияда жазасын өтеп жатқан Оралбек Ахановта тіптен маза жоқ. Бірнеше күннен бері ұйқысыз түндерді өткізген ол, ақыры қалыңдығымен қауышты. Осылайша екі жас төрге шақыртылып, оларға көшемет көрсетілді.
Оралбектің жасы 38-де, Ботагөз одан екі жас үлкен. Екеуі де бір ауылдың тумалары. Бұрыннан көңілдері жарасқан жұп азаматтық некеде тұрыпты. Ортақ жалғыз қыздары бар. Өздері енді шаңырақ көтереміз деп жүргенде Оралбек есірткі сатты деген айыппен 12 жылға сотталған. Жеті жыл бойы байланыстарын үзбеген жұп, ақыры заңды түрде неке қиды.
Ботагөз Айбекова, қалыңдық:
-Осы уақытқа дейін бір-бірімізбен байланыста болдық. Сырласып, сырымызды айтып жүрдік. Енді Аллаға шүкір осы күнге жеткенімізге. Бақыттымын, әр қашанда бақытты болатынымзға сенемін.
Оралбек әлі бес жыл жазасын өтеуі тиіс. Сондықтан Ботагөзге күйеуін күтуден басқа амал жоқ. Ал, биыл 158/4 колниясында осымен 10-шы жұп шыңырақ көтерген. Түрме басшылығы бүгінгі ерлі-зайыптыларға ерекше сый әзірлепті. Яғни, жас жұбайларға бал айын өткізуге жолдама бермесе де, мекемеде екі күн, екі түн бірге болуға мүмкіндік жасады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
